مزیدار چکن شامی کباب بنانے کا طریقہ

اجزاء:

چکن بون لیس ۔۔۔۔۔۔۔۔۔۔ آدھا کلو

چنے کی دال ۔۔۔۔۔۔۔۔۔۔۔ ایک پاؤ

سفید زیرہ ۔۔۔۔۔۔۔۔۔۔۔ ایک کھانے کا چمچ

گرم مصالحہ (پسا ہوا ) ۔۔۔۔۔۔ایک چائے کا چمچ

پیاز ۔۔۔۔۔۔۔۔۔۔۔۔۔۔ ایک عدد

لہسن ادرک کا پیسٹ ۔۔۔۔۔ایک کھانے کا چمچ

لال مرچ پاؤڈر ۔۔۔۔۔۔۔۔۔۔ ایک کھانے کا چمچ

ہرا دھنیا ( باریک کٹا ہوا )۔۔۔۔۔۔۔۔۔۔۔۔ ایک پیالی

ہری پیاز (باریک کٹی ہوئی ) ۔۔۔۔۔۔۔۔۔۔ دو عدد

انڈے ۔۔۔۔۔۔۔۔۔۔۔۔۔۔۔۔۔ تین عدد

نمک ۔۔۔۔۔۔۔۔۔۔۔۔۔۔۔۔۔حسبِ ذائقہ

ترکیب :

1) چنے کی دال کو اچھی طرح دھو کر ایک گھنٹے کے لئیے بھگو کر رکھ دیں ۔

2) ایک دیگچی میں دال ، لہسن ادرک کا پیسٹ، پیاز ، لال مرچ پاؤڈر ، زیرہ ، اور نمک ڈال کر پکنے کے لئیے رکھ دیں ۔

3) جب دال گل جائے تو اس میں چکن ڈال کر پکنے دیں اور پانی خشک کر لیں ۔

4) جب چکن پک جائے تو دال کو اور چکن کو اچھی طرح لکڑی کے گھوٹنے سے پیس لیں ۔ یا چوپر میں ڈال کر پیس لیں۔

5) دال اچھی طرح پیسی جائے تو اس میں باریک کٹی ہوئی ہری پیاز ، ہرا دھنیہ ، گرم مصالحہ اور انڈے ڈال کر مکس کر لیں۔

6) مکس کرنے کے بعد دال کی ٹکیاں بنا لیں ۔

7) ایک پین میں تھوڑا سا گھی ڈال کر گرم کریں اور ہلکی آنچ پر شامی فرائی کر لیں۔

8) مزیدار چکن شامی تیار ہیں۔ آپ کیچپ کے ساتھ سرو کریں۔